27 май 10:09
Янгиликлар

Теннис

French Open. 20 ёшли Циципас ўз юришини бошлади

Грециялик теннисчи Стефанос Циципас “Катта Дубулға” туркумига кирувчи “Ролан Гаррос” турниридаги иштирокини ғалаба билан бошлади.

Дунёнинг олтинчи ракеткаси биринчи давра учрашувида рейтингнинг 110-поғонасидан жой олиб турган германиялик рақиби Максимилиан Мартерерни 6/2, 6/2, 7/6(4) ҳисобида мағлуб этди.

Энди 20 ёшли Стефанос Франция Очиқ чемпионатининг иккинчи даврасида боливиялик Уго Деллиенга қарши кортга чиқади. Уго биринчи босқичда ҳиндистонлик Пражнеш Гуннесварандан устун келди - 6/1, 6/3, 6/1.