27 окт 11:55
Янгиликлар

Бокс/ММА

Фрэнк Уоррен Усик — Уордли жанги қачон бўлишини айтди

Британиялик промоутер Фрэнк Уорреннинг ишончи комилки, унинг мижози Фабио Уордли супероғир вазнда мутлақ жаҳон чемпиони Александр Усикка қарши жанг қилиш ҳуқуқини қўлга киритган.

"Жанг аллақачон тайинланган, шу ҳафтада музокаралар даври бошланади. Агар келишувга эришилмаса, жанг ким ошди савдосига қўйилади. Лекин биз келишиб олишимизга ишонаман. Ўйлайманки, жанг март ойида бўлиб ўтади. Мен бу жанг Буюк Британияда бўлишини истардим. Бизда иккита вариант бор - Ар-Риёд ёки Лондон!", деб айтган Уоррен.

Эслатиб ўтамиз, Фабио Уордли куни кеча Лондондаги даъвогарлар жангида янги зеландиялик Жозеф Паркерни 11-раундда техник нокаутга учратиб, Усикнинг камари учун мажбурий даъвогарга айланганди. WBO ташкилоти аввалроқ Усикнинг 2026 йилда Паркер - Уордли жанги ғолиби билан учрашишига рухсат берганди.