27 май 17:17
Янгиликлар

Теннис

ФТФ 35 миллион евро атади

Франция теннис федерацияси коронавирус пандемияси сабаб ишсиз қолиб кетган мамлакат теннисчиларини молиявий томондан қўллаб-қувватлайди.

Федерация мамлакат теннисига ёрдам учун 35 миллион евро ажратди. Федерация раҳбари Бернар Гьюдичеллининг айтишича, ушбу суммадан 21 миллиони теннис клубларига берилади.

Мустақил тарзда фаолият юритадиган мураббийлар учун 5 миллион евро тақдим этилади. Қолган 9 миллион евро эса карантин сабаб бекор қилинган турнирлар, шунингдек, федерация ходимлари, ҳакамлар, ТОП-100 рейтингига кирмайдиган профессионал теннисчиларга берилади.