08 апр 08:37
Янгиликлар

Футбол, Болалар спорти

Футбол академиялари тарбияланувчилари беллашди ФОТО

Болалар-ўсмирлар футбол акадимияларининг U-14, U-15, U-16, U-17 ёшдаги тарбияланувчилари ўртасида футбол бўйича Ўзбекистон чемпионатининг биринчи босқич беллашувлари бўлиб ўтди.

Хусусан, Тошкент шаҳри ва пойтахт вилояти болалар-ўсмирлар футбол акадимиялари тарбияланувчилари ҳам биринчи босқич доирасида ўзаро куч синашишди.

Дастлаб, Янгийўл туманидаги Халқаобод қўрғонида жойлашган стадионда 2005 ҳамда 2003 йилда туғилган тарбияланувчилар ўзаро беллашишди. Ўйин олдидан мусобақанинг тантанали очилиш маросими ташкил этилди ва шундан сўнг мусобақага старт берилди. 2005 йилда туғилган ўсмирлар (U-14) баҳсида 3:3 натижаси қайд этилди.

2003 йилда туғилган (U-16) ёш футболчилар учрашуви Тошкент вилояти болалар-ўсмирлар футбол акадимияси тарбияланувчиларининг 2:1 ҳисобидаги ғалабаси билан якунланди.

Куннинг иккинчи ярмида эса дастур-режага мувофиқ, ўйинлар Тошкент шаҳар болалар-ўсмирлар футбол акадимияси стадиондида 2002-2004 йилда туғилган тарбияланувчилар ўртасида ташкил этилди. 2004 йилги (U-15) футболчилар ўртасидаги ўйинда 2:2 ҳисобидаги дуранг натижаси қайд этилди. 2002 йилда туғилган (U-17) болалар ўйинида Тошкент шаҳар болалар-ўсмирлар футбол академияси тарбияланувчилари 2:0 натижаси билан ғолиб бўлишди.

Алберт АҲМАДГАЛИЕВ, Тошкент вилояти болалар-ўсмирлар футбол акадимияси директори:

- Футбол акадимиялари ўртасидаги мазкур илк бор ташкил этилган чемпионат мамлакатимизда футболни, хусусан, болалар футболини янада ривожланишида, оммалашишида хизмат қилади. Шунингдек, истеъдодли ёшларни сараланишида кейинчалик профессионал тарзда тайёрлаб боришда ҳам муҳим ҳисобланади. Албатта, бунинг натижасида миллий терма жамоаларимиз, профессионал футбол клубларимизга муносиб захира спортчилар тайёрланишига ҳам замин бўлади.