02 авг 15:16
Янгиликлар

Бокс/ММА

Фёдор Емельяненко навбатдаги жанги ҳақида маълумот берди

Россиялик машҳур ММА жангчиси Фёдор Емельяненко навбатдаги жанги қачон ўтказилиши ҳақида берилган саволга жавоб берди.

"Сўнгги император"нинг тан олишича, ҳозирча унинг ўзи ҳам айнан қачон октагонга кўтарилишини билмайди.

"Ҳозирча ҳеч қандай расмий маълумот йўқ. Bellator промоушени турнирларни мухлислар билан ўтказмоқчи. Шу сабабдан қачон ареналарга мухлислар ташрифи учун рухсат беришса, ўша пайтда жанг ҳақида гапириш мумкин бўлади. Менинг залимда шуғулланаётган спортчилар эса яқин кунларда мухлисларсиз ўтадиган шоуда жанг ўтказишади", — деди Емельяненко.

Шундай бўлса-да, Фёдор Емельяненко шу йилнинг охирида АҚШда жанг ўтказишни режалаштирганини ҳам тан олди. Фёдор фаолияти давомида жами 45 та жанг ўтказиб, 39 тасида ғалаба қозонган.