Гамбург турнирида чемпион аниқланди + ФОТО

Дунёнинг тўртинчи ракеткаси Александр Зверев ўз ватандошлари кўз ўнгида ATP рейтингида 28-ўринни эгаллаб келган франциялик Артур Фисга имкониятни бой бериб қўйди - 3/6, 6/3, 6/7(1). Фис теннисчиларнинг ўзаро учрашувларида илк бор Зверевни мағлуб этишнинг уддасидан чиқди - 1:2. 

Уч соату 31 дақиқа давом этган баҳсда Зверев 8, Фис 2 та эйс зарбасини амалга оширган. Иккала теннисчи ҳам биттадан брейкка эришган. Атур фаолиятидаги иккинчи ATP совринини қўлга киритди. Гамбургдаги муваффақиятли иштирок французга 500 рейтинг очкоси ҳамда 353 минг евро мукофот пули келтирди. Зверев эса 330 очко ҳамда 190,345 еврога эга бўлди.