Гандбол. Бош соврин Тошкентда қолди ФОТОГАЛЕРЕЯ

Спорт ўйинлари ва енгил атлетикага ихтисослаштирилган болалар-ўсмирлар спорт мактабида ўтган мамлакат чемпионатида 2002-2003 йилларда туғилган ўсмирлар Ўзбекистоннинг ушбу ёш тоифасидаги энг кучли жамоасини аниқлаш учун баҳс олиб боришди. 

Қорақалпоғистон Республикаси, Тошкент шаҳри ҳамда вилоятлардан жами 15 та жамоа иштирок этган Ўзбекистон чемпионати якунида бош соврин пойтахтлик қўл тўпи усталарига насиб қилди. Улар финал учрашувида Андижон вилояти жамоасидан 45:34 ҳисобида устун келишди. 

Қорақалпоғистон Республикаси гандболчилари учинчи ўрин учун кечган беллашувда Сурхондарё вилояти жамоасидан 45:36 ҳисобида устун келиб, Ўзбекистон чемпионатининг бронза медалига эга чиқишди. 

Суратлар муаллифи - Алимурод Мамадаминов