Гандбол. Жиззах ва Қаршида мамлакат кубоги якуни сари яқинлашмоқда

Жумладан, Қарши шаҳрида аёллар жамоалари ўртасидаги мамлакат кубоги ўтказилмоқда. Бир кун аввал ОКМК билан дуранг (31:31) ўйнаган Самарқанд вилоятининг "Булунғур" жамоаси кеча кутилмаганда қаршилик гандболчиларга 30:31 ҳисобида ютқазиб қўйишди. ОКМК эса қорақалпоғистонлик қўл тўпи усталарини 43:32 ҳисобида мағлуб этди.

Қашқадарё вилоятининг иккинчи жамоаси - Ғузор гандболчилари эса Ўзбекистон ёшлар терма жамоасини 35:32 ҳисобида енгди. Айни дақиқаларда Ўзбекистон кубогининг сўнгги кунидан ўрин олган учрашувлари бўлиб ўтмоқда.  

Эркаклар жамоалари ўртасидаги мамлакат кубогига эса Жиззах шаҳри мезбонлик қиляпти. Қуйида эътиборингизга кечаги кунги 3та учрашувда қайд этилган натижаларни ҳавола қиламиз.

Хоразм вилояти -  Сирдарё вилояти - 43:25

РОЗК (Тошкент) - ОКМК (Олмалиқ) - 27:33

Қорақалпоғистон Республикаси - Самарқанд вилояти  48:44