Германия аёллар терма жамоаси илк бор Олимпиада чемпиони!

Ҳал қилувчи финал учрашувида Германия ва Швеция терма жамоалари майдонга тушишди. Ушбу баҳсда Германия терма жамоаси 2:1 ҳисобида ғалаба қозониб, ўз тарихларида илк бор Олимпиада чемпиони бўлишди.

Учрашувнинг 48-дақиқасида Женифер Марожан ҳисобни очди. 62-дақиқада шведлар футболчиси Линда Сембрант автогол соҳибига айланди. 67-дақиқада эса Стин Блакстениус битта жавоб тўпини киритишга муваффақ бўлди.

Бронза медали учун кечган баҳсда эса Бразилия ва Канада терма жамоалари тўқнаш келишди. Унда канадалик қизлар 2:1 ҳисобида зафар қучиб, Рио Олимпиадасининг бронза медалини қўлга киритишди.

Рио-2016. Футбол. Аёллар. Финал

ШВЕЦИЯ – ГЕРМАНИЯ – 1:2

Голлар: Марожан, 48 (0:1); Сембрант, 62 (0:2, автогол); Блакстениус, 67 (1:2).

Огоҳлантиришлар: Якобссон, 22; Рубенссон, 51; Сембрант, 83 (барчаси Швеция)