"Голден Стэйт" "Даллас"ни мағлуб этиб, плей-офф финалига йўл олди + ВИДЕО

Сан-Франсискодаги (АҚШ) "Chase Center" аренада NBA Ғарбий конференция плей-офф сериясининг бешинчи ўйини бўлиб ўтди. Унда "Голден Стэйт Уорриорз" клуби "Даллас Маверикс"ни қабул қилди. Учрашув 120:110 ҳисобида мезбонларнинг ғалабаси билан якунланди. Ушбу ғалаба мезбонларга NBA плей-офф босқич финалига чиқиш имконини берди. Сериядаги умумий ҳисоб 4:1 кўринишига келди.

Словениялик Лука Дончич 28 очко, 9 рибанд ва 6 самарали узатма билан "Даллас" таркибида энг яхши натижани кўрсатди. "Голден Стэйт"нинг ғалабасига энг катта ҳиссани Клэй Томпсон (32 очко, 2 рибанд ва 3 самарали узатма) ва дабл-дабл (18 очко, 10 рибаунд ва иккита голли узатма) амалга оширган Эндрю Уиггинс қўшишди.

"Голден Стэйт"нинг финалдаги рақиби "Бостон Селтикс" ва "Майами Хит" ўртасидаги серияда аниқланади. Ҳозирча жамоалар ўртасидаги серияда "Бостон Селтикс" 3:2 ҳисобида олдинда боряпти.

Қуйида учрашувнинг Highlights'ни томоша қилинг.