Стэнли Кубогида финалчилар аниқланди

Плей-оффнинг 1/2 финалида ғалаба қозонган Шарқий конференция жамоаси "Флорида Пантерз" ҳамда Ғарбий конференция вакили "Эдмонтон Ойлерз" бош соврин учун ўзаро кураш олиб борадиган бўлди. 

"Эдмонтон Ойлерз" бешта учрашувда иборат серияда "Даллас Старз" клубини умумий 4:1  (3:6, 3:0, 6:1, 4:1, 6:3) ҳисобида мағлубиятга учратди. "Флорида Пантерз" эса "Каролина Харрикейнз" клубини худди шу натижа (5:2, 5:0, 6:2, 0:3, 5:3) билан таслим этди. 

Қизиғи, бир йил аввалги Стэнли Кубоги финалида ҳам айнан "Флорида Пантерз" ва "Эдмонтон Ойлерз" клублари тўқнаш келганди. Ўшанда "Флорида" ҳал қилувчи еттинчи учрашувда ғалаба қозониб, умумий серия (3:0, 4:1, 4:3, 1:8, 3:5, 1:5, 2:1)даги ҳисобни 4:3 кўринишига келтирган ҳолда бош совринга эга чиққанди.