05 сен 10:39
Янгиликлар

Бокс/ММА

UFC Edmonton турнирининг марказий жанги собиқ чемпион иштирокида ўтади

Мексикалик аралаш яккакураш устаси, ўта енгил вазн тоифасида собиқ UFC чемпиони Брэндон Моренонинг навбатдаги жанги тафсилотлари эълон қилинди.

У 3 ноябрь куни Канаданинг Эдмонтон шаҳрида ташкил этиладиган UFC Fight Night турнири доирасида октагонга кўтарилади.

Моренога мусобақа доирасида Ироқ вакили Амир Альбази рақиблик қилади. UFC рейтингида Морено айни дамда иккинчи ўринни эгаллаб турган бўлса, Альбази 3-ўринда қайд этилган. Жанг оқшомнинг марказий тўқнашуви этиб белгиланган.

Маълумот ўрнида, 30 ёшли Брэндон фаолияти давомида ҳозирга қадар 21 ғалаба, 8 мағлубият ва 2 та дуранг қайд этган.