Каспер Рууд Dallas Open бош соврини учун кортга чиқади

Дунёнинг бешинчи ракеткаси Каспер Рууд мусобақанинг финалига чиқди. Норвегиялик теннисчи 1/2 финалда ATP рейтингида 64-поғонада бораётган испаниялик Хауме Муньярни уч сет натижасига кўра мағлубиятга учратди - 6/2, 2/6, 7/6(4). Каспер теннисчиларнинг ўзаро учрашувларида катта фарқ билан олдинда бормоқда - 5:1. 

Икки соату 30 дақиқа давом этган баҳсда Рууд 4, Муньяр 6 та эйс зарбани амалга оширган. Иккала теннисчи ҳам 3 тадан брейк-пойнтдан унумли фойдаланди. Каспер ўтган йилнинг май ойидан бери илк бор ATP турнири финалига чиқди. Бугун у Dallas Open бош соврини учун канадалик Денис Шаповаловга қарши баҳс олиб боради.