03 июн 19:12
Янгиликлар

Бошқалар

Гольф бўйича "Ипак йўли" 2025 халқаро турнири якунига етди, унда Ўзбекистон терма жамоаси ғолиб бўлди

Теглар : Гольф

Мазкур халқаро турнирда Ўзбекистон, Қозоғистон, Қирғизистон, Россия, Хитой ва Ҳиндистон давлатларидан ташриф буюрган 8 та жамоа биринчилик учун баҳс олиб борди.

"Scramble", "Four-ball" ва "Singles Stroke Play GROSS" форматларида бўлиб ўтган уч кунлик беллашувлар якунига кўра биринчи ўринни Ўзбекистон жамоаси қўлга киритди. Шунингдек иккинчи ўринни Қозоғистон жамоаси ва учинчи ўринни Россия жамоаси вакиллари қўлга киритишди.

Шу билан бирга турнир доирасида Қозоғистон, Қирғизистон ва Ўзбекистон гольф федерациялари ўртасида уч томонлама ўзаро англашув меморандуми имзоланди.

Мазкур ҳужжатга мувофиқ “Ипак йўли” турнирини ҳар йили ўтказиш белгиланиб, уч мамлакат вакилларидан иборат доимий фаолият юритувчи ташкилий қўмита ташкил этиш ва турнирнинг ягона регламентини тасдиқлаш масалалари келишиб олинди.