20 мар 12:20
Янгиликлар

Каратэ

Голландияда олтин медални қўлга киритган спортчимиз рейтингда 1-ўринга чиқиб олди

Кеча каратэчимиз Садриддин Сайматовнинг Роттердам турнири ғолибига айлангани ҳақида хабар бериб ўтган эдик.

Ушбу муваффақиятли иштирокдан сўнг Садриддин -60 кг вазн тоифаси рейтингида биринчи ўрнига кўтарилиб олди. Унинг ҳисобида айни пайтда 825 очко бор.

Ундан кейинги ўринларни эса Малайзия ва туркиялик спортчилар эгаллаб туришибди.

Эслатиб ўтамиз, Сайматов бу йил ҳисобидан иккинчи совринини қўлга киритди. У январь ойида Парижда бўлиб ўтган Karate1 Premier League туркумидаги турнир ғолибига айланганди.