16 май 19:44
Янгиликлар

Бокс/ММА

Головкин vs Альварес. Трилогия бўйича янги "инфо" тақдим этилди

Ўрта вазн тоифасининг энг номдор боксчилари - Геннадий Головкин ҳамда Сауль "Канело" Альварес ўртасидаги учинчи жанг бўйича янги маълумот берилди.

Британиялик промоутер Эдди Хирн трилогияни шу йилнинг қиш фаслида ўтказиши мумкинлигини айтди. Ўрта вазнда IBF чемпиони бўлиб турган Геннадий Головкин август ойида польшалик расмий даъвогар Камил Шереметдан камарини ҳимоя қилади. Сентябрда эса иккинчи ўрта вазнда WBO йўналиши чемпиони Билли Жо Сондерс ҳамда Сауль Альварес жанги ташкил этилади.

"Геннадий ҳозир Шереметага қарши жанг ўтказишга мажбур. У жанг шартномасига имзо чеккан. Режа бўйича бу жанг август ойида ўтказилиши керак. Канело - Билли Жо Сондерс жанги юзасидан ҳам келишувга эришганмиз. Альварес - Головкин жангини эса декабрда ўтказамиз", - деди Хирн.