18 сен 10:58
Янгиликлар

Дзюдо

Гран-прига икки кун қолди: IJF бош спорт директори Тошкентга етиб келди

Дзюдо бўйича узоқ кутилган Тошкент Гран-приси бошланишига икки кун вақт қолди.

Шу кунларда мусобақада иштирок этувчи мамлакатлар делегациялари ҳамда расмий шахсларнинг пойтахтимизга ташрифи давом этмоқда.

Жумладан, Халқаро дзюдо федерацияси (IJF) бош спорт директори Владимир Барта Тошкентга етиб келди. Ислом Каримов номидаги Тошкент халқаро аэропортида фахрий меҳмонни Ўзбекистон дзюдо федерацияси раис ўринбосари Улуғбек Бухаров ҳамда федерация бош котиби Дониёр Илҳомов кутиб олишди.

Эслатиб ўтамиз, эртага, 19 сентябрь куни Wyndham Tashkent меҳмонхонасида мусобақага қуръа ташлаш ва вазн ўлчаш маросими ўтказилади. Шунингдек, оммавий ахборот воситалари ходимлари учун матбуот анжумани ҳам ташкил этилади.