Grand Prix Upper Austria 2025 турнирига қуръа ташланди

Дунёнинг 52 давлатидан жами 416 нафар (247 эркак, 169 аёл) спортчи қатнашадиган ушбу мусобақада терма жамоамизнинг 7 дзюдочиси юртимиз шарафини ҳимоя қилади. Бироз аввал турнирга қуръа ташлаш маросими бўлиб ўтди.

Ўзи учун янги +100 кг вазн тоифасида иштирок эта бошлаган Музаффарбек Тўрабоев учун қуръа бироз омадсизроқ келди. Париж-2024 Олимпиадаси совриндори австриялик дзюдочи тўсиғидан ўтиб олса, иккинчи босқичда Олимпия ўйинларининг кумуш медали соҳиби, жаҳон ва Европа чемпиони грузиялик Гурам Тушишвилига қарши татамига чиқади. 

Дзюдочиларимиз учун қуръа натижалари:

-66 кг: Дилшодбек Баратов - Дени Алтемиров (Бельгия) 

-73 кг: Мардон Равшанов - Христос Димитриади (Кипр) 

-81 кг: Муроджон Йўлдошев - Иванс Михаловс (Латвия)

+100 кг: Музаффарбек Тўрабоев - Мовли Борчашвили (Австрия)

+100 кг: Шоҳруҳхон Бахтиёров - Шалва Гурешидзе (Грузия)/Жантилек Нуртилепули (Қозоғистон) 

-48 кг: Лазиза Ҳайдарова - Мария Гомес (Испания)

+78 кг: Ирисхон Қурбонбоева - Ҳелена Вукович (Хорватия)