04 мар 09:01
Янгиликлар

Дзюдо

"Grand Slam Tashkent-2021". Бугун қуръа ва тарози маросимлари ўтказилади

Ниҳоят, интиқлик ила кутилган кунлар етиб келди. Эртага пойтахтимиздаги "Ҳумо" арена саройида дзюдо бўйича Тошкент "Катта Дубулға" турнири бошланади.

Соврин жамғармаси 154 000 долларни ташкил этувчи нуфузли мусобақада сайёрамизнинг 5 қитъаси, 71 давлатидан жами 497 (296 эркак, 201 аёл) нафар дзюдочи турнир медаллари ҳамда Токио Олимпиадаси йўлланмалари йўлидаги муҳим рейтинг очколари учун татамига чиқади. Бугун ҳам иштирокчиларнинг ташрифи давом этади.

Режа бўйича бугун соат 13:30да Wyndham Tashkent меҳмонхонасида турнирга қуръа ташлаш маросими ўтказилади. Ушбу тадбир онлайн тарзда амалга оширилади. Шунингдек, бугун мусобақанинг биринчи куни татамига чиқадиган дзюдочиларни тарозидан ўтказиш маросими ҳам ташкил этилади.