Grand Swiss. 15 ёшли халқаро гроссмейстеримиз 9-турда яна кучли рақибдан очко олди

Мукофот жамғармаси 433 000 АҚШ долларини ташкил этувчи Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилмоқда. Қосимжонов 2657, Абдусаттаров эса 2608 рейтинг очкосига эга. 

Мусобақада муваффақиятли дона сураётган истеъдодли шахматчимиз, 15 ёшли халқаро гроссмейстер Нодирбек Абдусатторов 9-турда оқ доналарда ўйнаб, хитойлик халқаро гроссмейстер, талабалар ўртасида жаҳон чемпиони 33 ёшли Бу Сянчжиг билан дурангга имзо чекди. 

Абдусатторов бугун ўтказиладиган 10-тур олдидан турнир жадвалида 5 очко билан қўшимча кўрсаткичларга кўра 42-ўринни эгаллаб турибди. Бугун Нодирбек ўзи сингари 5 очкога эга бўлиб турган россиялик гроссмейстер Григорий Опарин (2654)га қарши қора доналарда ўйнайди.