22 окт 08:09
Янгиликлар

Шахмат

Grand Swiss. Рустам Қосимжонов турнирни нечанчи ўринда якунлади?

Хабар берганимиздек, Англиянинг Мэн оролида дунёнинг 154 нафар кучли шахматчилари иштирокида ўтказилган нуфузли халқаро турнир ўз ниҳоясига етди.

Мукофот жамғармаси 433 000 АҚШ долларини ташкил этган Grand Swiss турнирида Ўзбекистон шарафини 17-жаҳон чемпиони Рустам Қосимжонов ҳамда 15 ёшли халқаро гроссмейстеримиз Нодирбек Абдусаттаров ҳимоя қилди. Қосимжонов 2657, Абдусаттаров эса 2608 рейтинг очкосига эга эди.

Кеча ўтказилган сўнгги 11-партияда Рустам Қосимжонов оқ доналарда ҳаракат қилиб, голландиялик Эрин Л`ами (2619) билан муросага келди. Бу билан мусобақада 56-рақам остидан таснифланган 17-жаҳон чемпиони Англиядаги халқаро турнирни қўшимча кўрсаткичларга кўра 72-ўринда якунлади.

Маълумот учун, Grand Swiss турнири ғолиби 70 000, иккинчи ўрин соҳиби 50 000, учинчи ўрин эгаси эса 40 000 АҚШ доллари миқдоридаги мукофот пулига эга бўлди. Кучли ўттизликка кира олган шахматчиларга эса 2000 АҚШ доллари тақдим этилди.