Гулноза Матниязова Осиё чемпиони, Болтабоевда бронза

Қувонарлиси, -70 кг вазн тоифасида юртииз шарафини ҳимоя қилган Гулноза Матниязова Осиё чемпионига айланди. У олтин медаль учун кечган беллашувда кореялик Сеонгеон Кимга қарши татамига чиқди ва рақибасини мағлубиятга учратди. Бу терма жамоамизнинг Осиё чемпионатидаги иккинчи олтин медали эди.

-63 кг вазндаги вакиламиз Фарангиз Хожиева бронза учун баҳсда хитойлик Юнхиа Янгдан мағлубиятга учради. -81 кг вазндаги тажрибали дзюдочимиз Шарофиддин Болтабоев Осиё чемпионатининг бронза медалига сазовор бўлди. Қорақалпоқ ўғлони бронза учун кечган беллашувда кореялик Ли Сунг Ходан устун келди. -70 кг вазндаги иккинчи дзюдочимиз Фарангиз Холмуродова эса бронза медалига бўлиб ўтган учрашувда австралиялик Аоиф Чоугланга ютқазиб қўйди. 

Шу тариқа, Ўзбекистон терма жамоаси иккинчи кунги баҳсларда 1 та олтин, 1 та бронза медалини қўлга киритди.