Андижон “Uzbekistan Judo Tour”да кучлилар аниқланди

Муросасиз кечган беллашувлар якунига кўра, 4 та вазн тоифасида ғолиб ва совриндорлар номи маълум бўлди. Артём Штурбабин (-66), Беҳруз Ҳомидов (81 кг), Шарофиддин Болтабоев (-90 кг) ва Шоҳруҳ Бахтиёров (+90 кг) ўз вазнларида шоҳсупанинг энг юқори поғонасига кўтарилди. 

Қизиқ томони шундаки, Париж-2024 Олимпиадасидан кейин фаолиятини якунлаб, мураббийликни бошлаган Шарофиддин Болтабоев нафақат спортга қайтди, балки қиймати 22 000 000 сўм бўлган чемпионлик шоҳсупасига ҳам кўтарилди. Қорақалпоғистонлик дзюдочи бу мусобақада Андижон вилояти шарафини ҳимоя қилди. 

Маълумот учун, Андижон “Uzbekistan Judo Tour” мусобақасининг умумий мукофот жамғармаси 200 миллион сўмни ташкил этади. Ғолиблар 22 млн, кумуш медаль соҳиблари 14, бронза медал эгалари эса 7 млн сўм пул мукофотини қўлга киритишди.

Андижон заминида ўтказилган бугунги мусобақа дзюдо мухлислари учун том маънода совға бўлди. Бу эса ўз ўрнида вилоятда олимпия оиласига мансуб ушбу яккакураш турининг ривожланишига хизмат қилади.    

“Uzbekistan Judo Tour” ғолиб ва совриндорлари:

-66 кг вазн тоифаси

1. Артём Штурбабин (Тошкент вилояти)

2. Муҳриддин Тиловов (Қашқадарё)

3. Баҳром Асадов (Бухоро)

3. Манучер Ширинов (Бухоро) 

-81 кг вазн тоифаси

1. Беҳруз Ҳомидов (Тошкент шаҳри)

2. Низомиддинхўжа Тошпўлатов (Сурхондарё)

3. Самариддин Мухибиддинов (Тошкент шаҳри)

3. Аҳрор Зиёдуллаев (Сурхондарё)

-90 кг вазн тоифаси

1. Шарофиддин Болтабоев (Андижон)

2. Шаҳзодхўжа Шарипов (Бухоро)

3. Азизбек Авазмуродов (Тошкент шаҳри)

3. Улуғбек Ўроқов (Тошкент шаҳри)

+90 кг вазн тоифаси

1. Шоҳруҳ Бахтиёров (Тошкент шаҳри)

2. Жавоҳир Муродуллаев (Қашқадарё)

3. Жаҳонгир Маматраҳимов (Сурхондарё)

3. Фазлиддин Рафиқов (Тошкент шаҳри)