12 фев 13:13
Янгиликлар

Шахмат

Гулруҳбегим Тохиржонова Ўзбекистон шахмат Федерациясига қайтди

Халқаро спорт устаси (IM) Гулруҳбегим Тохиржонова АҚШ федерациясидан Ўзбекистонга қайтишга қарор қилди.

"2016 йилда аёл гроссмейстер, 2024 йилда халқаро спорт устаси унвонларига эришган спортчимизнинг қарори Ўзбекистон шахматини жаҳон миқёсида янада кучайтириш учун хизмат қилади.

Унинг тажрибаси, маҳорати билан Ўзбекистон шахмати янги чўққиларни забт этади. Гулруҳбегимга келажакдаги мусобақаларда омад тилаймиз ва унинг ютуқлари билан фахрланамиз", - дейилади UzChess хабарида.

Маълумот учун, Гулруҳбегим Тохиржонова бир неча йил мобайнида АҚШ шарафини ҳимоя қилди. У Америка сафида 2024 йилги Шахмат Олимпиадасида бронза медалини қўлга киритганди.