Гулруҳбегимни қийинчилик билан ютган амалдаги жаҳон чемпиони финалга чиқишга яқин

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Кеча жаҳон чемпионатида ярим финалнинг илк партиялари ўйналди. Амалдаги жаҳон чемпиони хитойлик Жу Вен Жун қора доналарда ҳаракат қилишига қарамай, россиялик Александра Костенюкни мағлубиятга учратди. 

Айнан амалдаги жаҳон чемпиони чорак финалда юртимиз шарафини ҳимоя қилган вакиламиз, аёллар ўртасида халқаро гроссмейстер Гулруҳбегим Тоҳиржоновани қийинчилик билан 1,5:0,5 ҳисобида таслим эта олганди. Иккинчи ярим финалда Мария Музичук ҳамда Катерина Лагно тўқнаш келишди ва бу учрашувда дуранг натижа қайд этилди.