18 апр 17:21
Янгиликлар
Бокс/ММА
Гусков билан жанги бекор бўлган Ян Блахович бунга изоҳ берди
Аввалроқ, польшалик UFC собиқ чемпион Ян Блахович жароҳат сабаб 10 май кунги UFC 328 турнирида Богдан Гусков билан жанг қила олмаслиги ҳақида хабар қилинганди.
Блахович ижтимоий тармоқдаги саҳифаси орқали бунга изоҳ берди:
"Товуқ тухум қўймасидан олдин санама.
Келаси ҳафта АҚШда бўлишим керак эди, аммо режаларни ўзгартиришга тўғри келди. Жуда қаттиқ асабийлашяпман. Охирги спаррингимда нотўғри позицияда қолиб, тиззамдан зарба ўтказиб юбордим. "Мениск" ёрилиб кетди.
Режа ва мақсад аниқ эди, шунинг учун ҳам ҳафсалам жуда пир бўлди. Лекин бу барчаси тугади дегани эмас! Мен аллақачон иложи борича тезроқ қайтиш устида ишлаяпман. Ҳаммасини ўз шартларим асосида якунлаш учун қайтаман", - деб ёзди Блахович ижтимоий тармоқдаги саҳифасида.
Ҳавола :
Манба : instagram.com/janblachowicz
Фикрлар