"Ҳар бир жангчи аввал Ковингтондан ўтиши керак". Усман — Чимаев билан жанг ҳақида

Америкалик жангчининг фикрича, яримўрта вазннинг чемпионлик камарига даъвогар ҳар бир жангчи аввал Колби Ковингтонни мағлуб этиши керак бўлади.

"Вазнимиздаги йигитларнинг кўпчилиги кучли. Мисол сифатида, Белал Муҳаммад ёки Хамзат Чимаевни олишимиз мумкин. Бундан ташқари, Ковингтон ҳам яхшигина позицияда жойлашган.

Номзодлар мен билан жанг қилиши учун аввал Ковингтондан ўтиши керак. Колби мендан ташқари қолган барча жангчиларни мағлуб этиши мумкинлигини кўрсатди. Шундай экан, камар учун курашмоқчи бўлганлар аввал Ковингтондан ўтишлари керак", - деди Усман MMA Underground YouTube каналига берган интервьюсида.