Ҳасанбойга ютқазган Сакен Бибоссинов қозоғистонликларга мурожаат қилди

У чорак финалда ҳамюртимиз Ҳасанбой Дўсматовга ютқазганди. 

"Қадрли Қозоғистон халқи!

Орзу... Мақсад... Ғалаба...

Токиодаги Олимпиадада бронза медалини қўлга киритганимда, Париж Олимпиадасида қайтиб, олтин медаль қўлга киритаман деб ўйлагандим ва ўз мақсадимга эришиш учун бу ерган келгандим. 

Мен бу Олимпиадани сабрсизлик билан кутдим. Мамлакатимга олтин медаль тақдим этишни истагандим. Ҳаворанг байроғимиз кўтарилиб, миллий мадҳиямиз янграшини эшитмоқчи эдим. Лекин барчаси ҳам биз истагандек бўлавермайди. Мен формада эдим деб ўйлайман. Бироз омадим келмади. Бироқ, Яратганга шукрки, қозоғистонликлар шарафини ҳимоя қилиш бахтига муяссар бўлдим. 

Мени ғалаба ва мағлубиятларда қўллаб-қувватлаган барчангизга раҳмат. Илиқ сўзларингиздан миннатдорман", - деб ёзди Сакен Бибоссинов.