11 сен 08:26
Янгиликлар

Хоккей

"Ҳумо" 13 сентябрь куни янги мавсум доирасида Тошкентдаги илк ўйинини ўтказади

Хоккей бўйича Қозоғистон Очиқ чемпионатида 2-тур учрашувлари ўтказиляпти.

Унда иштирок этаётган Тошкентнинг "Ҳумо" хоккей клуби ҳозирга қадар Астана шаҳрининг "Номад" жамоасига қарши 2 та ўйин ўтказиб, уларнинг ҳар иккисида ҳам ғалаба қозонди.

Эндиликда "қанотлилар" 13 сентябрь куни 3-тур доирасида Тошкентда "Сариарка" жамоасини қабул қилишади. Учрашув соат 19:30 да бошланади.

Маълумот учун, тошкентликлар айни пайтда 4 очко билан турнир пешқадами бўлиб туришибди. "Ҳумо"нинг бўлажак рақиби Қарағанданинг "Сариарка" клуби эса 3 очко билан иккинчи ўринни банд этган.