23 окт 14:58
Янгиликлар

Хоккей

"Ҳумо" 18 ёшли дарвозабон билан шартнома имзолади

Тошкентнинг "Ҳумо" хоккей клуби ўйинлар оралиғида навбатдаги трансферни эълон қилди.

Жамоа голкипер Егор Шпак билан икки томонлама шартнома имзолади.

Егор Шпак 2006 йил 24 июль куни Россия Федерациясининг Санкт-Петербург шаҳрида туғилган. Унинг бўйи 188 см, вазни эса 85 кг. Ўтган мавсумда "СКА-Карелия" клуби дарвозасини қўриқлаган.

Голкипер икки томонлама шартнома асосида ҳам "Ҳумо", ҳам "Tashkent Select" клуби ўйинларида иштирок этиши мумкин. У жамоада 72-рақам остида ҳаракат қилади.