"Ҳумо Арена" мажмуаси Россиянинг халқаро танлови совриндорига айланди

"Ҳумо Арена" - халқаро танлов совриндори!

Бизнинг хоккей уйимиз собиқ СССР ҳудудидаги энг яхши спорт иншоотларидан бири сифатида тан олинди.

Россия федерацияси спорт вазирлиги кўмагида ўтказилган намунавий спорт иншоотлари халқаро танловида "Ҳумо Арена" "ВТБ Арена" (Москва, Россия) билан иккинчи ўринни бўлишган ҳолда, фақат "Минск-Арена" (Минск, Беларусь)дан ортда қолди.

Танловда иштирок этиш учун Россия, Беларусь, Озарбайжон, Арманистон, Ўзбекистон, Қозоғистон ва бошқа мамлакатлардан жами 307 та ариза топширилганди. Баҳолаш мезонлари архитектура ва ички дизайн, функционаллик, ногиронлар учун қулайлик ва иш самарадорлигига кўра белгиланган.

Ушбу муваффақиятга алоқадорларнинг барчасини табриклаймиз ва биргаликда янада кўпроқ ғалабаларни қозонишимизни тилаймиз", дейилади жамоа хабарида.

Маълумот учун, "Ҳумо Арена" мажмуаси тўлиқ фунцкияда ишлаган тақдирда ўз бағрига 12 мингдан зиёз мухлисни сиғдира олади. Мажмуадан мунтазам равишда "Ҳумо" хоккей клуби фойланади. Шунингдек, турли кўнгилочар дастурлар, концерт ва байрам тадбирлари ҳам ўтказиб келинади.