06 сен 15:49
Янгиликлар

Дзюдо

"Ҳумо" аренада ўтказилувчи Тошкент Гран-присига икки ҳафта қолди

Хабарингиз бор, 20-22 сентябрь кунлари пойтахтимиз дзюдо бўйича навбатдаги Гран-прига мезбонлик қилади.

Бугун ушбу нуфузли мусобақа стартига роппа-роса икки ҳафта қолди. Тошкент Гран-присининг Токиодаги Жаҳон чемпионатидан сўнг ўтказилаётгани сабаб унга бўлган қизиқиш жуда ҳам юқори. Токио-2020 Олимпиадасига қимматли рейтинг очколарини тақдим этиши билан аҳамиятли бўлган мазкур мусобақани ўтказиш учун жуда катта тайёргарлик кўрилмоқда.

2013 йилдан бери ўтказилаётган Тошкент Гран-приси ўз тарихида илк бор кўп тармоқли "Ҳумо" аренасида ўтказилади. Шу ҳафтада Халқаро дзюдо федерацияси (IJF) мутасаддилари яна бир бор "Ҳумо" аренада бўлиб, у ердаги шароитлар, мажмуанинг техник ҳолати билан яқиндан танишишди.

Маълумот учун, Тошкент Гран-приси ғолиблари Токио-2020 Олимпиадаси учун қимматли бўлган 700 рейтинг очкосини қўлга киритишади.