"Ҳумо Арена"да хоккей бўйича Ўзбекистон ўсмирлар терма жамоасининг тақдимот маросими ўтказилди + ФОТО

Жамоамиз ўтган йили Мўғулистон пойтахти Улан-Баторда ўтказилган мусобақада ғолибликни қўлга киритган ва табиийки, бу йил ўз чемпионлик унвонини ҳимоя қилиши керак.

Тақдимот маросимида барча йиғилганлар терма жамоа таркиби билан шахсан танишиш ва терма жамоа бош мураббийи Абдумаджид Носировнинг табрик сўзини эшитиш имконига эга бўлди. Улар барча хоккей ишқибозларини жамоамизни кубок учун курашда қўллаб-қувватлашга ва турнирда иштирок этувчи жамоалар ўртасидаги қизиқарли учрашувларга гувоҳ бўлишга таклиф қилдилар.

Томошабинлар учун бўлажак турнирга бағишланган викторина ҳам ўтказилди, унда 10 нафар бахтли ғолиб бош ҳомий – "McCoffee" ва Ўзбекистон хоккей Федерациясидан ажойиб совғаларини қўлга киритди.

Осиё ва Океания кубогининг очилиш ўйини 23 апрель куни соат 19.30 да “Ҳумо Арена”да бўлиб ўтади ва унда Ўзбекистон ҳамда Эрон терма жамоалари ўзаро куч синашади. Ушбу ўйинга, шунингдек, гуруҳ босқичидаги жамоамиз иштирокидаги бошқа барча ўйинларга чипталарни iTicket.uz сайтидан харид қилишингиз мумкин.