15 дек 09:11
Янгиликлар
Хоккей
"Ҳумо Арена"га хоккей қайтди: "Бинокор" - "Тошкент" ўртоқлик учрашувидан ФОТОГАЛЕРЕЯ
Пойтахтимиздаги кўп тармоқли “Хумо Арена” муз саройида “Бинокор” ҳамда “Тошкент” болалар хоккей клублари ўртасида ўртоқлик учрашуви бўлиб ўтди.
Учрашув муз майдонининг маълум бир қисмида ўтказилди. Ўйинда 10-5 ҳисоби билан “Бинокор” ғалаба қозонди.
“Тошкент” клуби бош мураббийи Сарвар Асқархўжаевнинг таъкидлашича, мағлубият уни ранжитгани йўқ.
Муҳими, болаларда иштиёқнинг сўнмаётгани. Ўйинга чанқоқлиги. Илк бор ҳақиқий майдонда куч синашган болалар устозлари ёрдамида мағлубият сабаби, камчиликларини муҳокама қилишади.
Хатолардан қутилиш йўлларини излашади. Бу эса кейинги учрашувларда асқотиши табиий.
Пойтахтда 5 та болалар хоккей клуби: “Тошкент”, “Бинокор”, “Семурғ”, “Хумо”, “Снежний барс” фаолият юритмоқда. Улар ўртасида ўртоқлик учрашувлари ўтказиш режалаштирилган.
Суратлар муаллифи - Алимурод МАМАДАМИНОВ, ўз мухбиримиз
Ҳавола :
Манба : olamsport.com
Фикрлар