"Ҳумо" "Арлан"га қарши иккита ўйин ўтказди

"Қанотлилар" бу сафар Кокшетау шаҳрининг "Арлан" клуби меҳмони бўлишди. 27 октябрь куни ташкил этилган илк ўйинда "Ҳумо" 3:0 ҳисобида ғалаба қозонди. Жамоа голларига Дмитрий Гренц, Артём Мальцев ва Павел Синявский муаллифлик қилди.

Кеча ўтказилган иккинчи ўйинда эса тошкентликлар 1:5 ҳисобида имкониятни бой беришди. Ягона шайба Дмитрий Гренц томонидан киритилди. Мазкур ўйинлардан кейин "Ҳумо"нинг очколари сони 13 тага етди. Жамоа турнир жадвалида еттинчи ўринни банд этган.