"Ҳумо" "Бейбарис"га қарши навбатдаги ўйинини 21 март куни Тошкентда ўтказади

Хабарингиз бор, кеча Тошкентнинг "Ҳумо" хоккей клуби Қозоғистон Очиқ чемпионати ярим финали доирасида "Бейбарис"га қарши иккинчи сафар ўйинини ўтказиб, 3:2 ҳисобида ғалаба қозонган эди.

Жамоамиз қозоғистонлик рақибларига қарши тўртта учрашувнинг бирида мағлуб бўлган бўлса, учтасида ғалаба қозониб, сериядаги ҳисобни 1:3 кўринишига келтирди.

"Қанотлилар" эндиликда "Бейбарис"га қарши навбатдаги ўйинини 21 март куни ўтказади. Бу финал йўлидаги сўнгги учрашув бўлиши мумкин. Учрашув 17:00 да бошланади.

Шунингдек, ярим финалнинг яна бир учрашувида "Сариарка" жамоаси "Номад"га қарши ўйинлар сериясини олиб бормоқда. Мазкур ўйиндаги серияда ҳам ҳисоб ҳозирча 1:3, "Номад" фойдасига.