"Ҳумо" бош мураббийи Евгений Попихин: Бизга вақт керак

"Рақибларни ғалаба билан табриклайман. Жамоа ВХЛнинг энг ажойиб жамоаларидан бири. У ерда ажойиб ўйинчилар йиғилган, ортиқча хоккейчилар йўқ. Улар лигада чемпион ҳам бўлишган ва етакчилардан ҳисобланишади. Афсуски, бугунги ўйин натижасидан қониқмадим. Вазиятлардан фойдаланиш борасида муаммоларимиз бор. Жамоа яхши хоккей намойиш этди".

- Катта иш қилингани кўриниб турибди. Бугун жамоага ғалаба учун нима етишмади?

- Ўйинчиларда тажриба етишмади. Рақиб сафидаги хоккейчилар бу борада тажрибали, КХЛда ўйнашган. Ҳар доим ҳам омад келавермайди. 

-"Ҳумо" яна таркибини кучайтирадими?

-Буни раҳбарият билан муҳокама қиламиз. Биз биринчи йили мусобақада иштирок этаяпмиз. Барчаси босқичма-босқич бўлади. Йигитлар шундоқ ҳам яхши ўйин кўрсатишмоқда. Бизга вақт керак. Асосийси характер. Асосийси бизни мухлислар қўллаб-қувватлашмоқда. Ўйлайманки, бу янада кучаяди. 

-Жароҳат олган хоккейчиларимизнинг ҳолати қандай?

-Шербина операция қилинди. Мана шундай вазиятлар ҳам бўлиб туради. Бундан мен ҳам афсусдаман.