"Ҳумо" бош мураббийи Евгений Попихин: Жамоани кучайтириш? Раҳбарият бу борада менга рад жавобини бергани йўқ

"Рақибларни ғалаба билан табриклайман. Бу ҳақида хеч қачон гапирмаганман. Аммо, хоккейчининг юзига уришганида унга учта чок тушсаю, бунинг учун икки дақиқалик четлатиш ҳам бўлмаса мен нимадир дея олмайман", - деб сўз бошлади Попихин.

-Жамоа ҳаракат қилмоқда, ҳужум қилмоқда. Буни кўриб турибмиз. Нима учун биз 5 киши бўлиб 4 кишига қарши ўйнаётган пайтингиз дарвозабонни дархол алмаштирмадингиз? Тайм-аут олдингиз ва кейин алмаштиришни амалга оширдингиз.

-Буни мураббийдаги сезгирлик дейиш мумкин. Сен қачон алмаштиришни ҳис қиласан, қачондир эса сеза олмайсан. Биз алмаштирдик ва гол киритдик. Демак, қарор тўғри эди. 

-Игорь Мережко бугун ўйнамади. Бунинг сабаби аввалги ўйиндаги хато билан боғлиқми? Иккинчи савол, олдинги матбуот-анжуманида раҳбарият билан жамоани кучайтириш масаласида гаплашишни айтгандингиз. Бу мавзуда учрашув бўлдими? Жамоа кучайтириладими?

-Мережконинг йўқлиги хато сабаб эмас, у жароҳати борлиги туфайли ўйнамади. Иккинчи саволга келадиган бўлсак, раҳбарият билан учрашув бўлди. Унда жамоани кучайтиришимиз лозимлиги ҳақида гапирдим. Бизга бу зарур. Бугун Артём Воронин ҳам жароҳат олди. Фақатгина учта "звено" қолди. Смирнов ҳам жароҳат сабаб ўйнамади. Ўйинчиларимиз кам. Ўйлайманки, бу амалга ошади. Менга рад жавобини беришгани йўқ. Бу албатта менга умид бағишламоқда.