“Ҳумо” бош мураббийи кечаги ғалабанинг сирини очиқлади

Ушбу баҳсда Евгений Попихин шогирдлари Самаранинг “ЦСК ВВС” клубини қабул қилиб, овертаймда киритилган олтин гол эвазига ғалабани тантана қилганди. Учрашувдан сўнг ўтказилган матбуот анжуманида “Ҳумо” устози саволларга жавоб қайтарди.

- Кийиниш хонасида йигитларга энг муҳими якунда характер кўрсатиш керак, дегандим, - дея сўз бошлади Попихин. - Гувоҳи бўлганингиздек, рақиб жуда кучли ўйин намойиш этди. Ўтган турда ҳам улар Воскресенскда “Химик”ка қарши кечган ўйинда ҳар томонлама устунликка эга бўлишди. Гарчи самараликлар ғалаба қозона олмаган бўлсалар-да, ўз ўйинлари билан мухлислар олқишини олишганди. Бугун “ВВС” хоккейчилари ўша ўйиндан ҳам кучлироқ кўринишди. Айниқса, иккинчи периодда ҳужум зоналаримизни ёпиб қўйишди. Бир томондан омадимиз ҳам келди. Рақиб қулай вазиятларда дарвозамизни ишғол қила олмади. Учинчи бўлимда гол ўтказиб юборган бўлсак-да йигитлар характер намойиш этишди, охиригача курашишди. Хоккейда бу ҳолат ҳамиша тақдирланган. Кейин бугунги ўйинизда мухлислар сони ҳам кўп бўлди. Бу ҳам ғалабага ўз хиссасини қўшди. Даҳанаки жанглар ҳам бўлди. Бу XXI аср ўйини. Ўз ўрнида меҳмон жамоа мураббийига миннатдорчилик билдираман. Биз у билан анчадан бери танишмиз, ажойиб мураббий ва инсон. 

- Ўйин учун мўлжалланган режа қанчалик амалга ошди? Қандай хатолага йўл қўйдинглар?

- Ўйин давомида учрашув учун мўлжалланган режамизга ўзгартириш киритдик. Иккинчи бўлимда рақиб кўрсатган ўйин ҳақиқатдан ҳам улар айни пайтда юқори спорт формасида эканликларини кўрсатди. Учинчи бўлимда тартибли ўйнадик. Агар пала-партиш ҳужумга ўтиб кетганмизда, бунинг учун жазоланган бўлардик. Самараликлар жисмоний жиҳатдан биздан сезиларли устун эдилар. Майдон марказидаги устунлик эвазига ўйинни тенглаштириб олдик. 

- Роман Смирягиннинг ўйини ва бугунги ҳолати ҳақида қандай фикрдасиз? 

- Хоккейчи жароҳат олган ёки касал бўлиб қолган ҳолатларда улар билан индивидуал суҳбатлашаман. Юз фоиз ўйинга тайёр бўлсагина музга чиқишига рухсат бераман. Агар 75 фоизга тайёрман деса ҳам, хоккейчини таркибга киритмайман. Смирягин бугун ўйнади ва биз ғалаба қозондик!