19 янв 08:05
Янгиликлар

Хоккей

"Ҳумо" "Горняк" устидан 5:0 ҳисобида ғалаба қозониб, бир кун олдинги мағлубият учун реванш олди

Хоккей бўйича Қозоғистон чемпионатида навбатдаги тур беллашувлари якунланди.

Тошкентнинг "Ҳумо" хоккей клуби Рудний шаҳри шарафини ҳимоя қилувчи "Горняк" жамоаси меҳмони бўлди.

17 январь куни ўтказилган илк ўйинда "Горняк" 5:1 ҳисобида ғалаба қозонгани ҳақида хабар бергандик.

Кеча ташкил этилган иккинчи баҳсда эса тошкентликлар 5:0 ҳисобида зафар қучиб, ўзига хос реванш олишнинг уддасидан чиқди.

Бу ғалаба орқали "қанотлилар" очколари сонини 47 тага етказиб олган ҳолда турнир жадвалида учични ўринга қайтди. "Ҳумо" кейинги ўйинларини 21-22 январь кунлари сафарда "Актобе"га қарши олиб боради.