11 авг 18:36
Янгиликлар

Қишки спорт турлари

"Ҳумо" "Губернатор Кубоги"да "Динамо Минск"ни йирик ҳисобда енгди ва 3-ўринни эгаллади

Бугун Россиянинг Нижний-Новгород шаҳрида Нижегород вилояти “Губернатори кубоги” учун ўтказилган халқаро турнир якунланди.

Ушбу мусобақада юртимиз шарафини Тошкентнинг "Ҳумо" хоккей клуби ҳимоя қилди. Жамоамиз турнирда икки ғалаба ва шунча мағлубият қайд этди.

Бугун учинчи ўрин учун кечган учрашувда хоккейчиларимиз Беларуснинг "Динамо" клубига қарши музга чиқиб, йирик 5:1 ҳисобида зафар қучишди. Бу билан гуруҳ босқичидаги 3:6 ҳисобидаги мағлубият учун реванш ҳам олинди.

Эслатиб ўтамиз, “Ҳумо” аввалига Минскнинг “Динамо” клубига 3:6 ҳисобида имкониятни бой берди. Кейин эса мезбонларнинг “Торпедо” клуби 3:0 ҳисобида мағлуб этилди. Учинчи турда эса Москванинг номдор “Динамо” клуби "Ҳумо"дан 4:1 ҳисобида устун келган эди.