"Ҳумо" ҳужумчиси, ҳимоячиси ва дарвозабони ўз позицияси бўйича Қозоғистон чемпионатида энг яхшиси бўлиб турибди + ФОТО

Ҳозирга келиб, жамоалар 20 та ўйин ўтказиб улгуришди.

Эътиборлиси, "Ҳумо" хоккейчилари ҳар бир позиция бўйича чемпионатда энг яхши натижага эга бўлиб туришибди.

Жумладан, ҳужумчи Вадим Кравченко тўпурарлар пойгасида пешқадам. У 20 та ўйинда 18 та шайба киритган ва 11 та ассист амалга оширган ҳолда 29 очко муаллифига айланган.

Илья Назаревич эса чемпионатда ҳимоячилар орасидаги энг яхши натижани қайд этмоқда. У 18 та ўйинда 6 та шайба киритган ва 13 та ассист амалга оширган.

"Қанотлилар" пойдевори, яъни дарвозабон Дамир Шаймарданов эса мусобақада энг яхши дарвозабон бўлиб турибди. Посбон 20 та ўйинда музга чиққан. У зарбаларнинг 95,8 %ни бартараф эта олган.