“Ҳумо” “Ҳумо Арена”да Россия клубини мағлуб этди ФОТОГАЛЕРЕЯ

Кечаги куннинг биринчи ярмида ушбу муҳташам спорт иншооти Россиянинг икки номдор жамоаси - “Спартак” ҳамда “Динамо” жамоаларининг учрашувига гувоҳ бўлди. Қизиқарли ўтган ўйиннинг асосий вақти 2:2 ҳисобида якунланди. 

Беш дақиқалик қўшимча вақт ҳам ғолиб номини аниқлаб бермади. Буллитлар сериясида эса “Спартак”нинг омади келди: “Спартак” - “Динамо” 4:3.

Иккинчи ўйин - “Ҳумо” ва “Трактор” (Челябинск) жамоалари беллашуви билан давом эттирилди. Кескин ва шиддатли кечган учрашувда ҳамюртларимиз ғалаба нашидасини суришди: “Ҳумо” - “Трактор” 7:5.

Бугун кундуз соат 12:00 да “Трактор” (Челябинск) - “Спартак” (Москва) жамоалари беллашади. Кечқурун соат 19:00 да эса “Ҳумо” (Тошкент) - “Динамо” (Москва) учрашувига гувоҳ бўламиз.

Суратлар муаллифи - Алимурод Мамадаминов