23 мар 09:14
Янгиликлар

Хоккей

"Ҳумо" иштирокидаги плей-офф ўйинлари яна кечроқ муддатга қолдирилди

Коронавирус пандемияси сабабли Олий хоккей лигаси (ВХЛ) Петров кубоги баҳслари 18 мартдан 24 мартга қадар тўхтатиб қўйилганди.

Мусобақа ташкилотчилари вазият ижобий томонга ўзгармагани боис ушбу муддатни яна кечиктиришга мажбур бўлдилар.

Қабул қилинган қарорга кўра, плей-офф ўйинлари 10 апрелдан олдин ўтказилмайди. Бу босқичда Тошкентнинг "Ҳумо" жамоаси Москванинг "Звезда" клубига қарши баҳс олиб бормоқда. Сериядаги тўртта ўйиндан сўнг ҳисоб "Звезда" фойдасига 3:1 кўринишига келган.