03 апр 07:44
Янгиликлар

Хоккей

"Ҳумо" кечаги ўйинда мухлислар ташрифи бўйича ўз рекордини янгилади

Теглар : Ҳумо

Хабарингиз бор, кеча хоккей бўйича Тошкентнинг "Ҳумо" клуби Қозоғистон Очиқ чемпионати финалининг биринчи ўйинида музга чиққан эди.

Финал ўйинлари сериясининг биринчи учрашувида "Номад" жамоасини овертаймда киритилган шайба эвазига 3:2 ҳисобида мағлуб этган "Ҳумо" клуби кеча мухлислар ташрифи бўйича ўз рекордини янгилади.

"Қанотлилар"нинг финал ўйинини томоша қилиш учун "Ҳумо Арена"га 7287 нафар томошабин ташриф буюргани маълум қилинди. Бу жамоанинг янги рекорди ҳисобланади.

Аввалги рекорд 2019/2020 йилги мавсумга тегишли бўлиб, ўшанда "Ҳумо"нинг ўйинини томоша қилиш учун "Ҳумо Арена"да 7267 нафар мухлис йиғилган эди.