29 авг 10:19
Янгиликлар
Қишки спорт турлари
"Ҳумо" "Лада кубоги"да иккинчи ғалабасига эришди, бугун мезбонларга қарши ўйин
Россиянинг Тольятти шаҳрида хоккей бўйича "Лада кубоги" турнири бўлиб ўтмоқда.
Аввалроқ ушбу мусобақада Тошкентнинг "Ҳумо" жамоаси ҳам иштирок этаётганлиги ва илк учрашувда Қозоннинг "Барс" жамоаси 5:2 ҳисобида мағлуб этилгани ҳақида хабар бергандик.
Кеча хоккейчиларимиз Самаранинг ЦСК ВВС жамоасига қарши музга чиқишди ва 6:2 ҳисобида ғалаба қозонишди. "Ҳумо" сафида голларга Валуйский, Исламов, Синявский, Ворошилов, Попов ва Григоренко муаллифлик қилди.
Бугун мусобақанинг учинчи тури доирасида мезбон "Лада"га қарши ўйин бўлиб ўтади. Ўйин Тошкент вақти билан соат 19:30 да бошланади.
Ҳавола :
Манба : olamsport.com
Фикрлар