"Ҳумо" мунтазам чемпионат доирасида Тошкентдаги сўнгги ўйинида "Алмати"ни 6:0 ҳисобида доғда қолдирди!

Тошкентнинг "Ҳумо" хоккей клуби Қозоғистон Про Лигасидаги 38-ўйинини Олма-Ота шаҳрининг "Алмати" жамоасига қарши ўтказди. Жамоалар ўртасидаги сўнгги, тўртинчи учрашув 6:0 ҳисобида вакилларимиз фойдасига ҳал бўлди.

Кечаги ғалабадан сўнг "Ҳумо" 2-ўринга кўтарилиб олган эди, айни дамда жамоамиз ҳисобида 58 очко мавжуд, "қанотлилар" биринчи ўриндаги "Сариарка"дан 12 очко ортда, 3-ўриндаги "Номад"дан эса 4 очко олдинда бормоқда. "Алмати" ҳисобида эса мазкур мағлубиятдан сўнг 30 очко мавжуд ва улар мусобақа жадвалининг ўнинчи поғонасини сақлаб туришибди. Жамоа плей-офф имкониятидан катта эҳтимол билан айрилди.

Таъкидлаш лозим, бугунги ўйин жамоа учун плей-оффдан аввал, мунтазам чемпионат доирасида Тошкентда ўтказилган сўнгги ўйин бўлди. Учрашув якунида мухлислар ўзлари билан олиб келган юмшоқ ўйинчоқларни хайрия сифатида тақдим этишди, шунингдек чипталар сотувидан тушган барча маблағлар ҳам хайрия сифатида топширилиши айтилди.

"Қанотлилар" навбатдаги ўйин доирасида 30 январь куни Нур-Султон шаҳрида "Снежные Барсы" жамоасига қарши илк сафар ўйинида музга чиқади. Учрашув соат 18:00 да бошланади.

Қозоғистон очиқ чемпионати. 38-тур

"ҲУМО" - "Алмати" 6:0 (2:0, 2:0, 2:0)

24 январь - 19:00, Тошкент. "Ҳумо Арена".

Бош ҳакамлар: Ефремов Владимир Евгеньевич, Боряев Антон Владимирович
Чизиқ ҳакамлари: Даиров Дамир Талгатович, Садуллаев Дониш

Голлар: 1:0 - Станислав Тунхузин 6 (Б), 2:0 - Денис Шураков 17 (Б), 3:0 - Владимир Журавлев 27, 4:0 - Денис Шураков 33, 5:0 - Артём Валеев 42, 6:0 - Алексей Кириллов 51.

"ҲУМО": (62) Роман Смирягин, (29) Дамир Шаймарданов, (3) Александр Дрягилев, (81) Алексей Кириллов, (88) Даниэль Коган, (28) Даниил Курашов, (35) Евгений Сулимов, (51) Станислав Тунхузин, (23) Вадим Чеботарев, (19) Дмитрий Архипов, (82) Артём Валеев, (94) Егор Дорофеев, (64) Владимир Журавлев, (18) Игорь Игнатушкин (K), (66) Жавохир Расулов, (45) Антон Рехтин (A), (22) Павел Синявский, (71) Максим Трунев (A), (26) Иван Фищенко, (89) Алексей Цыплаков, (17) Тимур Шингареев, (55) Денис Шураков.

"Алмати": (39) Филипп Колесников, (29) Алишер Шалманов, (33) Артём Бакушин, (44) Илья Борисенко, (81) Руслан Курсакбаев, (7) Сергей Машинец (A), (2) Алексей Рыжих, (55) Никита Скоробогатов, (17) Серік Арғымбаев, (21) Сергей Гриценко, (67) Иван Киселёв, (40) Максим Петрасюк, (22) Илья Потырка, (47) Владислав Сайко, (10) Сергей Твердохлебов (K), (8) Станислав Филиппенко (A), (11) Степан Штефан.

Огоҳлантиришлар: Алексей Рижих (5), Дмитрий Архипов (8), Руслан Карсакбаев (15), "Алмати" жамоаси аъзолари (16), Сергей Машинец (16), "Алмати" жамоаси аъзолари (17), Алексей Кириллов (18), Никита Скоробогатов (23), Тимур Шингареев (35), Вадим Чеботарев (46), Владимир Журавлев (48), Илья Борисенко (54).