"Ҳумо" Нефтекамскда плей-оффнинг илк ўйинини ўтказди

Евгений Попихин шогирдлари "Петров Кубоги"нинг 1/8 финалини Россиянинг Нефтекамск шаҳрида ўтказиб, маҳаллий "Торос" клуби меҳмони бўлишди. "Ҳумо" биринчи Конференцияда еттинчи ўринни қўлга киритган бўлса, "Торос" иккинчи Конференцияда иккинчи ўринни эгаллаган эди. 

Афсуски, жамоаларнинг 1000 мухлис кўз ўнгида ўтган плей-оффдаги илк тўқнашувида нефтекамсликлар 3:0 ҳисобида ғалаба қозонишди. "Торос" таркибида Артём Пименов, Данил Башкиров ва Никита Жульдиков голларга муаллифлик қилишди.  

Жамоалар ўртасидаги иккинчи учрашув эртага, ҳудди шу вақтда, аниқроғи Тошкент вақти билан соат 17:00да бошланади. Учинчи ва тўртинчи ўйинлар эса 26 ҳамда 27 февраль кунлари Тошкент шаҳрида ташкил этилади. Дуранг бўлиб қолган тақдирда қўшимча учрашувга мурожаат қилинади.