"Ҳумо" ўз таркибига 2 нафар янги хоккейчини қўшиб олди

Жамоа матбуот хизматининг хабар беришича, дарвозабон Тимур Мейдер ҳамда ҳимоячи Иван Антоновский ижара асосида мавсумнинг қолган қисмини Тошкент клубида ўтказади.

Тимур Мейдер 2002 йилнинг 22 январь куни Қозоғистоннинг Усть-Каменогорск шаҳрида туғилган. У маҳаллий "Торпедо" клуби тарбияланувчиси ҳисобланади. Ўтган мавсумни Кокшетау шаҳрининг "Арлан" клуби сафида ўтказган. У Қозоғистон мунтазам чемпионатида 51 та ўйин ўтказган ва 94,7 % зарбаларни қайтаришга эришган. Тимур "Ҳумо" сафида 20-рақамда ҳаракат қилади.

Иван Антоновский эса 2001 йил 8 июль куни Россиянинг Новокузнецк шаҳрида туғилган. У "Металлург" клуби тарбияланувчиси. Иван "Ҳумо" таркибида 2-рақамда иштирок этади.