16 ноя 08:35
Янгиликлар

Хоккей

⚡️"Ҳумо" ўз таркибига NHL собиқ хоккейчисини қўшиб олди + ФОТО

Тошкентнинг "Ҳумо" хоккей клуби таркибни кучайтиришда давом этмоқда.

Жамоа кеча навбатдаги трансферни эълон қилди.

Унга кўра, россиялик ҳимоячи Ринат Валиев эндиликда "қанотлилар" сафида ўйнайди. Ринат 1995 йил 11 май куни Россиянинг Нижнекамск шаҳрида туғилган. У Қозон шаҳрининг "Ак-Барс" клуби тарбияланувчиси ҳисобланади.

Хоккейчи ўсмирлик йилларида "Индиана Айс" ҳамда "Кутеней Айс" клублари сафида Шимолий Американинг USHL ва WHL лигаларида ўйнаган.

2014 йилги мавсумда эса NHL иштирокчиси "Торонто Мейпл Лифс" клуби уни ўз сафига қўшиб олади. Ринат NHL'да "Торонто Мейпл Лифс" ҳамда "Монреаль Канадиенс" клублари сафида жами 12 та ўйинда музга чиқган.

Даража жиҳатидан NHL'дан кейинги ўринда турувчи АХЛ (Америка хоккей лигаси) лигасида эса 260 та ўйин ўтказган ва 85 очко (19+66) жамғарган. У АХЛда "Торонто Марлис", "Стоктон Хит" ва "Лаваль Рокет" жамоалари учун ўйнаган.

КХЛда эса "Ак Барс", "Динамо Минск" ва "Адмирал" жамоалари шарафини ҳимоя қилган.